Davao City – Aduna nay gipahigayon nga dayalogo sa Barangay Wilfredo Aquino kalabutan sa problema nga ipakoral sa Pamintuan Enterprise Incorporated ang mga nagpuyo sa Sitio Marang sakop sa nahisgutang barangay.
Sumala ni Kapitan Leo Aquino nga tulo na ka higayon gihimo ang dayalogo sa iyang barangay apan ang mga tao wala nisipot ug wala nipartisipar alang paghatag unta og tubag sa ilang problema aron maplastar ang mga residente sa maong lugar.
Gidugang ni Aquino nga kining nga mga nagpuyo duna nay negosasyon ug gipapili kini kung kwarta o luna ang ilang pillion. Matod pa sa kapitan kun aduna nay luna nga kabalhinan ang mga residente ang kompanya mismo ang mubayad sa yuta nga ilang kapuy-an.
Matod pa niya kini nga kaso anaa sa opisina sa Office of the President ug duna nay tulo ka mga abugado ang gisangonan sa maong problema.
RadyoMaN Don Pulayao
