Nagpangayo na sang bulig ang Pampanga provincial government para sa mga nabiktima sang magnitude 6.1 nga linog nga nag-igo sa pila ka bahin sang Luzon.
Suno kay Pampanga Governor Lilia Pineda, walo na ang na-record nga patay sa ila lugar kag ginakabalak-an nga madugangan pa samtang nagapadayon ang rescue operations.
Partikular nga nagakinahanglan sang bulig ang nawasak nga building sa Porac kun sa diin may mga na-trap nga indibidwal sa sulod.
Isa naman sa mga na-rescue ang kinahanglan utdon ang tiil para makahalin sa lugar.
Wasak man ang apat ka panalgan sang Chuzon Supermarket sa Porac bangud sa linog.
Samtang, nagpromisa naman ang Metropolitan Manila Development Authority nga napadala sila sang ila eksperto para sa search and rescue operations.
Mapadala man ang mga ini sang rescue dogs para makabulig sa pagpangita sa mga biktima. /IFM NEWSROOM/RCSG
