President Roxas, Capiz- Personal nga nagpadulong sa stasyon sang dyVR si SB Member Edvil John Alfaro sang banwa sang President Roxas agud sabton ang mga akusasyon nga ginahaboy batok sa iya nga nakapagkit sa isa ka anonymous letter nga ginpadala sa Office of the Deputy of the Ombudsman for Visayas.
Suno pa diri nga indi matuod nga iya ginakuhaan sang poder ang matuod nga MDRRM Officer bangud mismo si Mayor Receliste L. Escolin mismo ang nagbutang sa iya bilang focal person sang MDRRMO antes pa man nag-angkon sang Officer ang MDRRMO sang President Roxas bangud ini sang una ang wala pa ma-activate kag ulihi na gid lamag ginkrear.
Gin-athag man ni Alfaro ang akusasyon batok sa iya nga paggamit sang salakyan sang MDRRMO sa personal nga transaksiyon.
Suno pa diri nga bilang focal peson sang MDRRMO, 24-oras ini nga nagamonitor kag nagalagaw kag indi man kon kis-a malikawan nga makabisita ini sa iya pamilya sa Tabun-acan, Pilar sa mga oras nga nataboan nga yara lang siya sa kaiping nga barangay nga nagapatigayon man sang pila ka mga community related activities.
Hugot ang pagpati ni Alfaro nga pagguba gid lamang ini sa iya sa patag sang politika matapos nga wala anay malikawan ni Mayor Receliste L. Escolin ang pagsambit sa isa ka coordination meeting nga siya ang mangin running mate sang alkalde sa posisyon nga bise-akalde sa masunod nge eleksiyon.
