Pamunuan sang Bureau of Fire South Cotabato may apelasyon sa mga pumuluyo subong nga fire prevention month, aktibidad magafocus sa barangay.

Ginaapela ni Provincial Fire Marshall Milo Manlabao sang Bureau of Fire South Cotabato sa mga pumuluyo nga maghalong agud nga malikawan ang insidente sang sunog ilabi na nga mainit ang panahon sa subong.
Advice man sini nga kon magbiya sa balay ang seguraduhon nga nakaunplug ang tanan nga appliances kag indi pabay-an ang ginaluto.
Seguraduhon man nga malimpyo ang palibot agud nga indi madalahig kon may-yara sang insidente sang grassfire.
Ang nasambit nga pahanumdom ni Manlabao ang kabahin man sang ila nga aktibidad subong nga fire prevention month.
Ginpahayag man ni Manlabao nga ang mga municipal kag ang provincial fire station ang may-yara man sang fire fighting equipment sa tion nga may-yara sang insidente sang sunog kag subong man forest fire.
Samtang, subong nga fire prevention month magafocus ang ila nga aktibidad suno kay Provincial Firemarshall Manlabao sa mga barangay agud nga mas labi pa gid nga maedukar ang mga ini kon ano ang himuon agud malikawan ang insidente sang sunog kag sa tion sang sunog.