Pamunuan sang Dep. Ed. 12 ginakondena ang pagpatay sa isa ka district supervisor sa President Quirino, Sultan Kudarat.

Ginakondena kag nagapalab-ot sang kasubo sa pamilya ang pamunuan sang Department of Education ukon Dep. Ed. 12 sa pagluthang patay sa supervisor sang South President Quirino District nga si Abdulkadir Sultan sang Disyembre 15 subong nga tuig.
Samtang wala nagapati si Dep. Ed. 12 Dr. Regional Director Allan Farnazo nga may kahilabtanan sa trabaho sini ang motibo sa pagluthang patay sa district supervisor, apang ginatugyan niya sa kapulisan ang pag-istablisar sang motibo.
May-angot sini, ginalauman niya suno kay RD Farnazo nga magapadayon ang imbestigasyon sang kapulisan agud nga mahatagan sang hustisya ang kamatayon ni Sultan nga nagserbi sang 34 ka tuig sa Dep. Ed.