Nagapreparar na sa subong ang pamunuan sang Department of Education ukon Dep.Ed. 12 sa pag-abri sang klase sa pihak sang ginapangatubang sa subong nga krisis tuga sang coronavirus disease ukon COVID-19.
May-angot sini, suno kay Dep. Ed. 12 Regional Director Dr. Allan Farnazo nagpatigayon na sang survey ang iya pamunuan sa competency sang mga manunudlo sa pagpatuman sang blended learning strategy ukon klase sang edukasyon nga nagakaigo sa subong nga panahon tungod sa paandam sang COVID – 19.
Suno kay RD Farnazo sang ginpamangkot sya sang Dep. Ed Secretary kon san –o umpisahan sang klase ginpahayag niya nga Hunyo mag-umpisa sa mga handa na nga eskwelahan kag sa indi pa ang amat-amaton suno pa.
Indi naman pabor si Dr. Farnazo sa konsiderasyon nga himuon nga isolation area sang suspected sa COVID-19 ang mga public schools tungod alanganin na ka tama suno pa kag delikado.
