Pamunuan sang DILG 12 ginahingyo sa mga lokal nga kandidato nga ndi maghatag sang permit to campaign sa grupo sang NPA.

Ginahingyo sang pamunuan sang Department of Interior and Local Government ukon DILG 12 sa mga lokal nga kandidato sa rehiyon nga indi maghatag sang permit to campaign sa grupo sang New People’s Army ukon NPA base naman sa adbokasiya sang taglikom sang ahensya.
Ini matapos nga handom sang ahensya ang malimpyo kag matawhay nga eleksyon sa bulan sang Mayo subong nga tuig , suno kay DILG 12 Regional Director Josephine Leysa.
Samtang, ginkumpirmar ni RD Leysa nga wala pa sila nahatagan sang kopya sang listahan sang mga opisyal sa rehiyon nga ginasiling nagahatag sang pinansyal nga suporta sa NPA kag bisan sang narcolist.
Apang nagalaum siya nga wala lang kuntani sang lokal nga opisyal dire sa rehiyon nga nalakip sa nasambit nga mga listahan.