Ginsabat ni Department of Labor and Employment (DOLE 12) Assistant Regional Director Arlene Bisnon ang isyu nga napulitka na ang programa sang ahensya,matapos nga ginkwestyon ni South Cotabato Governor Reynaldo S. Tamayo, Jr, ang presensya sang mga pulitiko sa distribusyon sang ayuda sa idalom sang TUPAD program sa mga benepisyaryo.
Dugang pa sang opisyal nangin patas naman suno pa sila sa tanan nga LGU sa tion nga magkadto sa ila para magrequest sa nasambit nga programa.
Bisan suno pa si Governor Tamayo ang may pending request sa ila para sa kasubong nga programa, apang tubtob subong wala pa napondohan sang DOLE national kapareho sang iban nga munisipyo nga wala pa man sang pondo.
Pagpaklaro pa ni ARD Bisnon, ang presensya ni Former Governor Daisy Avance Fuentes sa distribusyon sang assistance sa idalom sang TUPAD program ang diskresyon na sang Accredited Co-Partner ukon ACP kag wala na labot pa ang ahensya.
Ang ACP suno pa amo ang barangay, munisipyo, syudad, probinsya ukon NGO.
