Pamunuan sang DTI South Cotabato ginsiguro nga bastante ang supply sang prime kag basic commodities sa probinsya, magluwas sa tubig nga mademand matapos ang sunod-sunod nga linog.

Nagkaproblema na sa supply sang tubig nga nabutang sa mga dalagku nga container sa pipila ka establishemento dire sa syudad sang Koronadal sang nagligad nga adlaw matapos nga mademand sa subong tungod isa ini sa ginabakal sang mga nagahatag sang donasyon sa mga apektado sang linog sa North Cotabato.
Apang kahapon nga adlaw tigayon naman suno pa nga nag-abot ang supply amo nga mataas na ang inventory level sang nasambit nga produkto.
Samtang sa iban nga prime kag basic commodities kapareho sang noodles kag canned goods nga mademand man sa subong bastante ang supply base sa ila monitoring suno kay Department of Trade and Industry Consumers Welfare Division Chief Elbert Capicio.
Ginkumpirmar niya nga wala man sang nagbentaha nga mga negosyante dire sa probinsya ukon nagpasaka sang presyo sang ila mga produkto sa subong nga panahon.
May-angot sini, iya ginapalab-ot sa mga bumalakal nga wala sang dapat kabalak-an sa supply sang mga basic kag prime commodities dire sa probinsya amo nga indi dapat magpanic buying.