Pamunuan sang DTI South Cotabato may advice sa mga bumalakal sang fireworks subong nga selebrasyon sang paskwa kag bag-ong tuig.

Ginaadvice sang pamunuan sang Department of Trade and Industry ukon DTI South Cotabato sa mga bumalakal sang fireworks para sa nagahilapit nga selebrasyon sang paskwa nga ang baklon amo yadtong may Philippine standard ukon PS mark kag sa lehitimo nga manugbaligya magbakal.
Samtang suno kay Babylon Maganaka, Sr. Trade Industry Development Specialist sang DTI South Cotabato nakapatigayon na sila sang monitoring sa mga local manufacturer dire sa probinsya kag may mga PS mark man suno pa ang ila nga mga produkto.
Apang suno sa iya magapatigayon sa gihapon sila sang monitoring upod ang PNP sa pag-umpisa na baligyaanay sang firecrackers and pyrotechnics dire sa probinsya.
Nahibaluan nga sa Disyembre 21 subong nga tuig magaumpisa na ang baligyaanay sang palupok dire sa syudad sang Koronadal.