Ginahingyo ni Dr. Rogelio Aturdido Jr, Provincial Health Officer sang South Cotabato sa mga ginikanan nga bantayan ang mga kabataan sa pagpamulot sang wala naglupok nga firecrackers kag pulbura tungod delikado sa gihapon ini.
May-angot sini, iya ginapangabay sa tanan nga kon wala naglupok ang palupok ang indi palapitan kag basyahan na lang sang tubig agud nga malikawan ang disgrasya sa selebrasyon sang bag-ong tuig.
Ini matapos nga sang nagligad nga tuig may mga nabiktima nga kabataan nga namulot sang wala naglupok nga palupok kag nagtipon sang pulbura kag ginsindihan nga nangin kabangdanan sang pagkadisgrasya.
Samtang padayon man ang pagpang-awhag ni Dr. Aturdido nga magpartisipar na lang sa community fireworks display kaysa sa magpalupok sa pagsugata sang bag-ong tuig.
