Ginhangkat ni Police Lt. Col. Joven Bagaygay, Operations Chief sang South Cotabato Police Provincial Office ang mga manufacturer nga indi maghimo sang illegal nga klase sang palupok agud wala sang maglapta sang nasambit nga klase sang produkto dire sa probinsya sa nagahilapit nga selebrasyon sang paskwa kag bag-ong tuig.
Advice niya man sa mga firecracker retailers nga indi magrequest sang ilegal nga klase sang palupok kag ipatuman sa bug-os nga probinsya nga kon may mga firecracker retailers nga nagabaligya sang ilegal nga klase sang palupok ang kakason sa asosasyon kag indi hatagan sang permit.
Ini matapos nga ang illegal nga klase sang palupok ang isa sa nangin rason sang firecracker –related injuries sa probinsya sang nagligad nga tuig.
Hingyo niya man sa tanan nga magbinuligay agud matapna ang illegal nga klase sang palupok kag pagbaligya sa indi designated area.
