Pamunuan sang South Cotabato Provincial Hospital ginpasiguro ang kaluwasan sang iban nga pasyenti tungod sa pagbutang sang Covid Center.

Ginpasiguro ni Dr. Conrado Braña, Chief of Hospital sang South Cotabato Provincial Hospital nga luwas ang iban nga pasyenti bisan nga ginbutang ang COVID Center sa sulod sang balay bululngan.
Dugang pa ni Dr. Braña nga ginbutang sa isa lang ka wing ang mga covid suspek nga yara sa second floor, apang kun magpositibo, gilayon man nila nga isaylo sa third floor sang nasambit nga ospital.
Samtang ginasiguro niya man nga nakasuksok sang PPE kag iban nga gamit ang mga staff sang ospital agud maproteksyunan ang ila kaugalingon kag subong man ang mga pasyente batok COVID-19.