Nagadagsa sa subong ang mga pasyente nga nagapadulong sa South Cotabato Provincial Hospital kag outpatient department agud nga magpaidalom sa dengue test tungod sa awareness na suno pa sang katawhan nga magpakonsulta gilayon kon may lagnat kag indi na hulaton pa nga maglala ang ginabatyag.
Suno kay SCPH Chief of Hospital Conrado Braña nagalab-ot sa 75 ka mga pasyente ang mapaidalom sa dengue rapid test sang mga doktor sa provincial hospital.
May-angot sini, ginpasiguro ni Dr. Brana nga may bastante pa nga NS1 dengue rapid test kit ang South Cotabato Provincial Hospital ilabi na subong nga nagadagsa ang mga pasyenti nga ginasuspetsuhan may balatian nga dengue.
Sa subong suno iya may ginapatuman na nga dengue fast lane sa SCPH sa diin ginahatagan prayoridad ang mga may balatian nga dengue.
Ginpahayag niya nga nagrequest naman sang dugang nga dengue testing kits ang SCPH kag folding beds sa tion nga madugangan ang mga pasyente.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
