Nagapatigayon na sang information dissemination ang pamunuan sang Yellow Bus Incorporated ukon YBL sa mga pasahero sini bilang preparasyon sa tion nga ipatuman na ang mandatory nga pagsuksok sang faceshield sa Agusto 15.
Ini matapos suno kay YBL Operations Manager Boy Par nga nakabaton naman sila sang kamanduan sang DOTr sa mandatory nga pagsuksok sang faceshield sang mga pasahero.
Suno sa iya sa tion nga mag-epektibo na ang nasambit nga kamanduan istrikto nila nga ipatuman nga kon wala sang suksok nga faceshield ang pasahero ang indi gid nila pasakyon.
Samtang sa subong suno kay Par istrikto nga ginapatuman sang pamunuan ang mga health protocols batok COVID -19 kapareho sang handwashing, pagsuksok sang facemask, social distancing kag iban pa.
