Davao City – Giduso na sa Panabo PNP ang kaso batok sa upat ka mga na-identipikang suspek nga nitulis sa kapin kun kulang P3M nga kwarta sa usa ka Chinese national niadtong Mayo 17.
Sa interbyu sa RMN Davao kang Panabo Pnp Station Commander Police Major Ernesto M. Gregory nga kasong Robbery o Robbery in band ang ilahang iduso sa piskalya kontra sa mga suspetsado.
Matud ni Gregory nga gawas sa maong krimen nalambigit usab ang mga suspek sa droga.
Bisan pa man nagpabiling gawasnon ang mga suspek nanganti ang labaw sa Panabo PNP nga masikop ra gayod nila kini sa mga police operations.
Padayong gina-establisar nila ang anggulong inside job kung kinsa ang mga posibleng mga lain pang mga kaubanan sa nahitabong pagpang-hold-up.
RadyoMaN Aimee Guinita
