Pagadian City – Gikostudiya na karon sa Pagadian City Police Station ang 45 anyos nga lalaki nga nadakpan sa gikasa nga manhunt operation alas 02:54 kagahapon sa hapon partikyular sa bisinidad sa City Hall Complex, Brgy. Gatas District, ning syudad sa Pagadian.
Giila sa hepe sa kapulisan nga si PLTCOL ALVIN SAGUBAN, ang nadakpang target nga si DONARD FELLESCO , usa ka fish vendor, lumulupyo sa Purok Rosas, Lubogon, Aloran, Misamis Occidental.
Ang pagdakop sa akusado gipasikad sa gahom sa Warrant of Arrest gumikan sa kalapasan sa SECTION 5 sa Akta Republika 9262 kun”Anti-Violence Against Women and Their Children Act of 2004.” nga gipagawas ni ANALYN F RAMAS-COSTANILLA, ang Judge sa Regional Trial, 9th Judicial Region, Branch 22, Pagadian City.
Gitugutan sa korte nga makapyansa ang dinakpan sa kantidad kun kini makatunol sa kantidad nga 5,000 pesos alang sa iyang temporary nga kagawasan.
