Davao City – Gipasabot ni Davao City Mayor Sara Duterte-Carpio nga dili na i-tugot ang pagpabalik sa libreng RT-PCR (reverse transcription polymerase chain reaction) test sa Davao International Airport (DIA) luyo sa panawagan sa pipila ka indbidwal tungod kay dugang gasto kini sa mga biyahero.
Segun sa Alkalde nga dili patas sa mga nagtuman sa ordinansa kung magbaton og libreng RT-PCR test sa ubang pasahero diin kini mandatory na sugod karong adlawa (Marso 23, 2021) diin gikinahanglan ang negatibong resulta nga nakuha 24-72 hours.
“Kung pag abot diri, kadtong walay RT-PCR (test result) librehon sila, it will create a situation nga dili fair sa tanan nga travelers, because kadtong nag comply nigasto sila, ang wala nag comply sila na hinuon ang nahimong libre,” pagpasabot sa Mayor.
Matud ni Mayor Sara nga kung aduna may mga pasaherong gipasakay sa eroplano bisan og walay negative RT-PCR test result, mamahimo silang i-test pag-abot na sa DIA, apan sila na ang mobayad niini.
Dugang sa Mayora, ang maong regulasyon usa ka pamaagi nga mapangandaman ug malikayan sa syudad, ang pagbaton og second wave sa surge sa Coronavirus Disease 2019 (COVID-19) cases.
RadyoMaN Kirby Manzon
