Davao City – Gibutyag ni Davao City Mayor Sara Duterte-Carpio nga dili pa ma-lift ang liquor ban ug curfew sa syudad sa Davao nga gikatakdang mahuman karong Marso 31, 2021.
Gibutyag sa Alkalde nga gipangandaman karon sa lokal nga gobyerno ang posibilidad nga magbaton og second wave sa surge sa Coronavirus Disease COVID-19 (COVID-19) cases labi na nga nagkataas ang kaso sa National Capital Region (NCR) ug sa Cebu City.
Matud sa Mayor, ugaling i-lift man ang maong mga regulasyon ug magbaton og COVID-19 surge sa dakbayan, ibalik ra gihapon ang maong mga palisiya rason nga lugwayan na lamang ang pagpatuman sa curfew ug liquor ban.
“Dili pa ma-lift ang liquor ban and curfew sa pagkakaron because we are still waiting for the second wave. Kung dunay posible second wave nga muabot, ibalik ra gihapon nato na. So, idiretso nalang nato na siya sa para dili siya mag create of confusion,” saysay sa Mayor.
Gikatakdang magpagula ang lokal nga gobyerno og Executive Order (EO) labot niini. Samtang, wala pay petsa kung hangtud kanus-a mulungtad ang pagpatuman niini.
RadyoMaN Kirby Manzon
