Dapitan City – Giposasan sa mga personahe sa Dapitan PNP ang usa ka lalaking hamtong human nakalapas sa balaod trapiko ug nakuhaan og armas atol sa gimongtar nga checkpoint sa COMPAC Post sa may Barangay Banonong, dakbayan sa Dapitan.
Bahug na karon sa prisohan ang suspek nga nailang si Isaac Labiña Quizo Jr., 46 anyos, usa ka panday og lumulupyo sa Barangay Antipolo, Dapitan City.
Subay sa report sa kapolisan samtang nagpatuman sila og checkpoint sa dapit, mga alas 6:15 sa hapon, ang suspek nagmaneho sa motosiklo xrm kolor puti og itom kombinisiyon, plate number 3592 JP, namatikdang nakasupak sa balaod trapiko dihang walay gisul-ob nga helmet hinondang gipahunong.
Dihang gipangitaan kini ni PCpl. Ramil Divinagracia sa mga dukumento sama sa cr/or, nasuta nga kini naka-inom og bino.
Ang kauban police officer nakamatikod sa luyo nga dunay nagbakal hinongdan girekisa nakuha sa posisyon og kontrol ang usa ka homemade caliber 38 revolver loaded sa lima sa ka buhing bala.
Sa pagsukit-sukit ngadto sa suspek pakyas kining makapakita og dokumento sa dalang armas hinongdan siya gidakop.
