Kapin usa ka tuig ang milabay sukad mibutho ang COVID-19 si Pilipinas. Nagpasabot nga kapin usa ka tuig na usab gihagit ang atong pagtoo – pagtoo nga hingpit na kining mawagtang karon nga duna nay vaccine, pagtoo diha sa atong gobyerno, pagtoo nga makasugakod kita sa kinabuhi, ug pagtoo diha sa atong Ginoo.
Usa lamang si Maricar Emata, taga Panabo City sa milyong katawo nga nahagit sa mga pagsulay karong pandemya. Nisulay manginabuhi sa abroad apan nahagit ang iyang pagtoo gumikan sa sunod-sunod nga di maayong balita sukad ang krisis sa panglawas.
“Niadto kog Dubai partly kay na burn out sa trabaho (sa Pinas) and sobraan ra siguro kaayo kog kumpyansa sa sarili na I could find a job. Pero pag abot nako didto nagsugod dayon ang pandemic, nagtanggalanay og mga trabaho so hopeless akong feeling…”
Nangandoy nga maka trabaho og corporate job apan mag usa ka tuig natambay si Maricar sa Dubai, layo sa pamilya, layo sa iyang gigikanan og kusog.
“The more nga nagdugay ang panahon the more ko nag worry.. Lord asa man ko nimo padulngon ani? Asa kayak o nimo ibutang? Or basin gipabayaan ko niya? Naa akong ate didto pero close kaayo ko sa akong mama ug papa… didto na time na test gyud akong trust kay Lord, akong pagtoo sa iya…”
Gani nahitabo ang usa sa iyang ginakahadlokan… ang pagkawala sa ilang ‘Haligi ng Tahanan’.
“Dili nimo matagna ang panahon… That time nga nagabattle pa ko sa akong sarili, nagasugod ko og build sa akong career mao pa gyud ang pagkawala sa akong papa. Wala ko kabalo unsaon nako pagtimbang… Naa pa ba kay dapat sugdan? Honestly gina-build nako akong career para sa akong parents na mahimo silang proud and dili sila mag worry sa akoa in the future…”
“Nawala akong papa dili lang kay nawala siya, murag ako pod.. nawala pod ko…”
Sumala ni Fr. Roco Rebito sa Society of Mary – Marist Fathers and Brothers, duna nay mga nagapangitabo sa atong kinabuhi nga naka epekto sa atong pagtoo isip mga Kristiyano maayo man kini o dili.
“Nakahimamat ko og mga tawo nga nangutana sa akoa nganong nahitabo man ni? Why God let this happen? Ug hangtod kanus-a kaha ning pandemic sa atong kalibutan? But in situation like this, what I did is sometimes panghupaw.. Panghupaw ta tungod wala ta kabalo unsay tubag sa atong mga pangutana. But after that we bring it to our prayers,” sumala ni Fr. Roco.
“Dakong tabang ang pagpadako sa akong pamilya sa pag cope up nako sa nahitabo,” butyag ni Maricar.
“Prayer is more than just going to the church or saying a rosary or completing novena but prayer is always that authentic and genuine relationship with God… in times like this prayer helps us – to sustain, to pursue and to face these challenges sa atong kinabuhi,”saysay ni Fr. Roco.
Sa interbyu usab sa DXDC kang Engelica B. Liguid, RPm, ICAP 1 sa New Day recovery Center gipasabot niini nga ang pinakanahagit karong panahona ang duna nay mga giatubang na nga hagit sa mental nga aspeto.
“Pinaka vulnerable kumbaga ang pinaka grabe og epekto ana katong mga naay mental health issue na daan. Makita nimo basig naay mga tao na naka recover na unta pero nagbalik sa ilang mga sintomas, pwede pod niagi og depression kay basig daghan pod mga bag-o na nahitabo sa ila such as nawalaan og trabaho, nawalaan og panginabuhian, so daghan kaayog epekto psychologically kining pandemya,” pagpasabot ni Liguid.
Sumala ni Fr. Roco: “The message is simple.. hang on I am doing something for you and for the world. This is not the end of everything. It might be the beginning of pagtoo nga lawom, pagtoo nga naay hugot…”
“Sa atong sugilanon uban ang Ginoo bisan pa man sa sinugdanan pag nay mga dili maayong panghitabo sa iyang katawhan, God cannot dare not to help and love His people back bisan pa man ang mga panghitabo tungod sa kagahi sa mga ulo sa tawo,” dugang sa maong pari.
Sa panahon nga kita makapanghupaw nalang tungod wala ta masayod sa mga tubag sa atong pangutana, ayaw kalimot igsuon nga ato kining sabayan sa pag-ampo ingon man pagpasalamat gumikan sa panahon sa kalisdanan, dili kaya sa Ginoo nga dili tabangan ug gugmahon ang katawhan bisan pa man ang panghitano tungod sa kagahi sa ulo natong tanan.
RadyoMaN Jason Amisola
