Ginpaandaman sang Office of the Governor ang publiko batok sa mga indibidwal ukon grupo nga nagagamit sa pangalan ni South Cotabato Governor Reynaldo Tamayo Jr. sa pagpanunto ukon extortion suno pa.
Suno kay Executive Assistant IV Rudy Jimenea nga modus sang grupo nga magpakilala nga staff ni Governor Tamayo ukon nagapakilala nga siya si Governor Tamayo kag nagapangayo sang kwarta kag cellphone load sa mga contractors kag suppliers.
Paklaro pa ni Jimenea nga indi ini buluhaton sang gobernador ukon sin-o man sang iya mga staff rason nga ginaawhag sini ang publiko, mga contractors kag suppliers nga gilayon nga magreport sa mga otoridad kon makabaton sang nasambit nga tawag halin sa mga nagapakuno kuno nga tawo.
Angot sini ginpalab-ot na sa NBI kag kapulisan ang nasambit nga modus agud nga maimbestigaran kag mauntat na ang nasambit nga klase sang buluhaton sang pipila ka indibidwal ukon grupo man.
Nahibaluan nga pipila naman ka mga opisyal sa probinsya ang nabiktima sang kapareho nga modus.
