Pangampanya para sa Barangay ug SK Elections nagsugod na!

17

Nagsugod na ang kampanya sa mga politko niadtong miaging adlaw para sa May 14 elections. Mokabat ngadto sa 2,986 ka mga gustong magpapili ang niarangkada na para sa maong kalihokan. Kini nagagikan sa mga nagkalaing laing barangay sa syudad.

Matud pa sa Comelec nga adunay 80 ka barangay ug 80 usab ka mga Kabataan councils ang pagapilian sa mga kandidato nga mo suma total ngadto sa 720 ka mga posisyon.

Kasagaran matud pa sa mga kandidato ang mga lalaki, Kini base usab sa datus sa Comelec, (1,331) kumpara sa (517) lamang ka mga kababayen-an. Hinoon sa SK elections niabot ngadto sa 508 ka mga babaye ug 630 usab ka mga lalaki.

Niining maong ihap sa kadaghan sa magpapili ning tuiga, 198 niini ang gustong mahimong Barangay Kapitan samtang 1,650 usab ang sa barangay council.

Nagpahimangno na usab karon ang Comelec batok sa mga posibleng mosupak sa election laws ug nga matud pa dili sila magpanuko nga pahamtangan sa silot ang si kinsa man nga mosupak sa mga balaud niini.

Kahinumduman nga mokabat ngadto sa 325,528 ang registered voters sa barangay elections ug aduna usab 109,607 registered SK voters ang syudad nga maoy pagailogan karon sa mga gustong maagserbisyong mga kandidato.

Facebook Comments