Tayong mga Pangasinense ay mahilig sa musika at rakrakan. Hindi nawawala ang talento ng mga lokal na bandista na magagaling sa ating probinsya kung kaya’t Inumpisahan na ang Pangasirock Battle of the Bands 2023 na may temang “PANGASIROCK ANG GALING” nito lamang nakaraang April 10 na ginanap sa Alaminos City, Pangasinan. Ito ay bahagi ng selebrasyon ng Pistay Dayat at bahagi na rin ng proyekto ng Pangasinan Provincial Government.
Nasungkit naman ng grupong ZKIDS ang championship sa District 1 sa nasabing lugar. Ang grupong ito ay mula sa bayan ng Calasiao. Kabilang sa mga miyembro ng grupong nabanggit ay sina John Magsano, Allen Corpuz, Renz Sto Domingo, Angelo Abubo, Schanong Lee, Allen Doana.
Samantala, patuloy pa rin ang elimination round sa bawat anim na distrito hanggang April 15. Anim na banda rin ang maglalaban laban sa Grand finals na magaganap naman sa darating na April 23 sa Capitol Beach Front Lingayen. |ifmnews
Facebook Comments
