Roxas City, Capiz- Kasunod sang conference sa PRO-6 sa syudad sang Iloilo, mas labi nga pasangkaron sang mga stasyon sang kapulisan nga malapit sa mga coastal areas ang kampanya kontra sa illegal fishing.
Ginkumpirmar sang hepe sang Roxas City PNP nga si Supt. Dante Tayco nga nahisugtan sang mga ini ang pagpatigayon sang operasyon kontra sa mga nagapatigayon sang ilegal nga sahe sang pagpangisda lakip na ang mga wala sang permiso.
Mangin kaupod sang Philippine National Police amu ang BFAR, Bantay Dagat kag iban pa nga ahensya sang gobyerno.
Suno kay Tayco sa subong isa sa ginadihon amu ang nagakaigo nga protocol para sa pagpatigayon sang operasyon.
Facebook Comments
