Gikagubtan karon sa Social Media sa China ang hulagway sa usa ka estudyante didto human nga iyang gibaklay ang nag ice nga dalan, gibuhat kini sa maong bata para lang maka kuha ug pasulit bisan pa pila ka kilometro ang gilay-on.
Adlaw-adlaw nga ga baklay matod pa ang walo ka tuig nga si Wang Fuman, moabot sa 4.5km aron maabot ang iyang tulunghaan, matod pa sa pamahayag sa People’s Daily sa China.
Makita sa hulagway ang mga buhok ug kilay ni Wang Fuman nga naputos pag-ayo sa Snow. Makita usab ang nagpula-pula nga aping timaan sa grabeng katugnaw nga iyang giantos samtang nagbaklay padulong sa iyang eskwelahan.
Kuha sa iyang magtutudlo ang litrato ug makita sa likod ni Fuman nga gikataw-an pa siya sa iyang mga klasmeyt tungod sa iyang itsura.
Dili matod pa makapaigo ang suot nga jacket ni Fuman sa pinakabugnaw nga panahon sa Yunnan Province nga moabot sa -9 degree ang temperatura.
Gibalewala ra usab ni Fuman ang iyang pagbakaly sa mo kapin upat ka kilometro taliwala sa grabeng katugnaw gani magbinuang paman siya sa iyang mga classmate bisan pa nga i bully siya.
Si Fuman anaa siya nagsaka sa iyang lola human nga ge biyaan sa iyang inahan samtang ang amahan niya kinahanglan nga mo trabaho sa ubang lugar tungod sa kalisod. Mo tabang usab si Funan sa ilang bukid hinungdan nga bisan bata pa siya makita nga gaspang kaayo ang iyang mga kamot.
Emosyonal usab si Fuman tungod kay gimingaw siya sa iyang amahan, pipila na ka bulan ang milabay wala pa niya nakita.
