Gilaraw karon sa Dangerous Drugs Board (DDB) ang posibleng pag-amyenda sa kontrobersyal kaayong balaud nga Republic Act No. 9344 kun ‘Juvenile Justice and Welfare Act’ gipangamahan ni Sen. Francis ‘Kiko’ Pangilinan.
Matud ni Santiago, buot sa collegial body nga DDB nga ipailawom sa makuting pagtuon sa mga probisyon sa ‘Pangilinan Law’ ilabi na niadtong nagpalisud-lisud sa trabaho sa mga awtoridad sa pagpatuman sa drug laws, rules and regulations ingon man ang paghikutar sa mga palisiya kalabot niini.
Dugang ni Santiago, buot nilang hatagan og emphasis ang pagsuta sa ‘psychological factors’ sa suliran sa drogas ubanan sa epektibong rehabilitation program diin pakusgon ang kampanya ilabi na niadtong buot mo-boluntaryo sa drug rehab.
Tuparan usab kini sa gobyerno sa livelihood opportunities alang sa gitawag nga ‘wholistic approach’ sa pagresolba sa drug dilemma.
Kahinumdoman nga mismong si Pres. Rodrigo Duterte nihulagway sa Pangilinan Law nga nagbunga na hinoon sa mga ‘criminal minds’ inay nga bag-ohon ang mga tawong nalulong sa narkotiko.
Kasamang June Duterte
