Pangingisda ng Chinese sa ating EEZ, labag sa saligang batas

Iginiit ni Senator Kiko Pangilinan na ang Recto Bank ay bahagi ng Exclusive Economic Zone o EEZ ng Pilipinas.

 

Diin ni Pangilinan, dahil dito ay labag sa ating Saligang Batas na payagang mangisda rito ang mga taga China o sinumang dayuhan.

 

Tinukoy pa ni Pangilinan na nakasaad sa huling talata ng Article XII, Section 2 ng Saligang Batas na pwedeng pumasok sa kasunduan ang pangulo ukol sa mga yamang-mineral, pero hindi ukol sa mga yamang-dagat.


 

Paliwanag ni Pangilinan, sagradong tungkulin ng pamahalaang Pilipino ang ipagtanggol ang ating yamang dagat na nasa EEZ.

 

Ayon kay Pangilinan, inilalaan lang ang paggamit at pagtamasa nito eksklusibo o tanging para sa mga mamamayang Pilipino lamang.

 

 

 

 

Facebook Comments