Ginadahom nga padayon pa ang pagsaka sa populasyon sa probinsya sa Bukidnon sa muabutayng mga katuigan.
Kini ang gibutyag ni Ms. Maria Evangeline N. Non, Supervising Statistical Specialist sa Philippine Statistics Authority (PSA)-Bukidnon atol sa gipahigayong forum alang sa pagdiseminar sa results sa 2020 Census of Population and Housing didto sa Ballroom, Veranda Hotel, Brgy. Casisang, Malaybalay City kagahapong adlawa.
Sumala niya nga wala pa sukad miubos ang populasyon sa probinsya sa milabayng mga katuigan maong ginadahum nga padayon pa kini nga mutaas.
Basi sa 2020 Census of Population and Housing, ang probinsya sa Bukidnon ang anaay kinatas-ang ihap sa populasyon sa tibook Rehiyon X sa 1,541,308 ug gikonsidera nga pinakapaspas nga growth rate sa 1.81%.
