Gikumpirma sa Bukidnon Provincial Police Office kon BPPO ang pagtambong ni Pangulong Rodrigo Duterte sa big day sa Kaamulan Festival 2019 nga mao ang adlaw sa street dancing ug ground presentation karong Abril 13, ning tuiga, adlaw nga Sabado.
Sa interview sa RMN Malaybalay ngadto kang Police Captain Jiselle LOngakit ang spokesperson sa PNP Provincial Command gibutyag niini nga gawas ni Pangulong Duterte aduna usa’y ubay-ubay ka mga senatoriables ang mutambong sa mao nga dakong kalihukan sa Bukidnon.
Kini matud ang hinungdan nga karon pa lang daan hugot na ang gihimong pagpangandam sa kapulisan sa probinsya alang sa pagpabilin sa kahapsay ug kalinaw sa mao nga adlaw.
Matud ni Longakit nga adunay ubay-ubay nga mga gidili sama sa pagbawal sa mga backpack, kalo, payong ug sling bag sa mga manan-away atol sa mao nga big day sa pagbisita sa Pangulo.
