Ginmandu ni Pangulong Rodrigo Duterte sa Department of Social Welfare and Development ukon DSWD nga respondehan gilayon ang kinahanglanon sang mga pumuluyo nga apektado sang pagpanalasa sang bagyo Urduja.
Ginpahayag ni DSWD acting secretary Emmanuel Leyco, magluwas sa DSWD, ginpahulag naman ni Pangulong Duterte ang iban pa nga mga ahensya sang gobyerno agud tutukan ang kaluwasan sang mga biktima sang kalamidad.
Suno kay Leyco, handum sang gobyerno nga mangin minimal lamang ang kahalitan nga igabilin sang bagyo Urduja ilabi na sa kabuhi kag mga propedad sang mga paga-agyan sang kalamidad.
Una na nga ginpahayag ni Leyco nga magluwas sa mga nauna na nga napaguwa nga pondo, may yara pa sang stockpile ukon standby fund nga 762 million pesos nga pagagamiton para sa food packs sang 356 ka pamilya nga naga-istar sa pagaagyan sang bagyo Urduja.
(photo from web)
