Davao City – Gibatikos sa grupong Kalipunan ng Damayang Mahihirap kun KADAMAY ang mga dato gumikan sa ilang pag-panic buying sa mga grocery stores ug sa mga supermarkets hatud sa Coronavirus Disease (COVID-19).
Gipuna ni Kadamay Davao City Focal Person Toto Bulcan ang mga kwartahan tungod kay ilang gihutdan ang mga kabus og alcohol, hand sanitizer ug sa mga pagkaon sa mga grocerihan ug sa mga supermarket.
Napungot si Bulcan sa gibuhat sa mga kwartahan gumikan kay wala nila hatagi og kahigayonan ang mga kabus nga makapangompra sa mga produkto nga importante kaayo ning pagsi-aw sa COVID-19 sa nasud.
Aminado si Bulcan nga dili usab niya mabasol ang mga dato sanglit bastante man sila og panalapi maong makapagusto gayod sila og pangompra samtang ang mga pobre maoy makaluluoy kay dili sila makapalit sa ilang panginahanglanon.
Nakatilaw usab kang Bulcan ang Department of Trade and Industry kun DTI nunot sa ka-inutil sa ilang trabaho sa paggukod ug pagsilot sa mga tawong gatago og alcohol, sanitizers ug mga pagkaon.
Apan gumikan sa kawad-on, ang mga pobre mapugos na lamang og sugata ug agwanta sa sitwasyon sa COVID-19 bisan pa og nag-panic buying na ang uban sa mga grocery stores ug mga supermarket.
RadyoMaN Joel Viray
