General Santos City—gironda sa hiniusang pwersa sa Kapulisan nga gilangkuban sa Police Station 2, police Station 6, CPSC ug SWAT ang panimalay sa usa ka negusyante nga nahimutang Purok Pandian, Barangay Labangal Gensan gumikan na usab sa Armas, mga bala ug eksplosibo.
Suspetsado giilang si Hadji Esmael Datu Molok, legal age, negosyante ug residenti sa Purok Pandian barangay Labangal Gensan.
Alas 8:45 sa gabie gihimo ang Ronda sa pagpanguna ni Police Chief Inspector Renato Salarda, Hapa sa Makar pnp, pinasikad sa kamanduan ni Hon. Judge Dennis Velasco sa 11th Judicial branch 23 kabahin kini sa kalapasan sa Republic Act 10591 (Illegal Possession of fire arms and Ammunition) ug Republic Act 9516 (illegal possession of explosive).
Narekober sa panimalay sa mga nahisgutan ang (1) ka Riffle Granade, (1) Carbine, (1) ka hand grenade, usa pa ka pusil ug mga bala.
Hugtanon usab nga gibutyag ni Molok nga posibling siya giinitan lang sa nagsumbong sa kapulisan. Sumala niini nga adunay nasuko ngadto kaniya tungod na usab ang luna nga ilang nahimutangan buot ilugon.
sumala niini nga nipalit sya ug armas tungod proteksyon sa yuta nga ilang nahimutangan ug giklaro niini nga wala syay grupong gikalambigitan. Ilang negusyo anaa matud pa sa Laray ug wala gyud sila nahitambigit sa iligal.
Sa kasamtangan padayon pang ginasuta sa otoridad kung duna bay grupong gikalambigitan ang nahisgutang suspetado.
