Ginakasubo sang PISTON-Panay ang pahayag sang Malakanyang nga magapadayon sa gihapon ang PUV Modernization program sa pihak sang pagpamatuk sang mga jeepney drivers.
Suno kay Edgar Salarda, presidente sang PISTON-Panay nga masubo batyagon nga bulag kag bungol ang gobyerno ni Presidente Rodrigo Duterte sa hibubun-ot sang mga pigado nga mga drivers.
Ginpahayag ni Salarda nga bangud sa nasambit nga panindugan sang Malakanyang, wala sang masanag nga palaabuton ang mga imol nga pumuluyo sa idalum sang Duterte Administration.
Bangud sini, ginpasiguro man ni Salarda nga indi sila mag-untat sa pagpamalabag sa indi makatarungan nga desisyon sang Duterte Administration kag iya ginpat-od nga magahiwat sila sang mas dalagku nga mga paghulag sa palaabuton kag indi nila pag-untatan ang pagkalampag sa gobyerno tubtub indi sila mapamatian sa ila mga hibubun-ot.
