Panit-an, Capiz- Patay ang 51-anyos nga bookkeeper sang Barangay Conciencia, Panit-an, Capiz matapos ini ang ginluthang sang riding-in-tandem alas 2 sang hapon sa Barangay, Agbabadiang sa nasambitan nga banwa.
Apat ka mga pilas sa lawas ang naangkon sang biktima nga ginkilala kay Joey Fegarido nga gindeklarar nga dead-on-arrival sang gindangat sa Bailan District Hospital.
Suno sa Panit-an MPS, padayon na ang imbestigasyon sang kapulisan. May yara na sang ginasunod nga ‘Person of Interest’ sa amo nga krimen.
Nagaguha sa inisyal nga imbestigasyon sang mga kapulisan, halin sa banwa sang Pontevedra ang biktima matapos nagbakal sang semento. Sakay ini sa traysikol pauli sa ila poluy-an sang hinali nga ginluthang sa duha ka wala pa matumod nga suspek.
Natigayon nga marekober sa lugar nga ginluntaran sang insidente ang anum(6) tanan ka mga baseyo sang ginapatihan .45 caliber pistol.
