‘PANO KO HALION bilang SSS BENEFICIARY ANG AGOM KO?’: TEXTER

‘PANO KO HALION AS SS BENEFICIARY ANG AGOM KO?’: TEXTER
Marhay na aga po sa mga paradangog kan DWNX.
Pinapaabotan ta ning pakikidumamay ang pamilyang Albao, nagpaaram na sa kinaban si Atty Aik Albao . I still remember the first time na kami nagkatrabaho ni Aik, kan nagprepara kami kan mga complaints kan mga CASURECO II consumers laban sa dating management kan CASURECO II way back kan panahon ni Mayor Jesse Robredo kan ako nasa city legal office pa. Nagiyahan ta man sya kaito. Then nakaibahan ta sya sa advocacy sa pagpromote sa leadership character ni Sec Jesse Robredo. May sarong pagkakataon na nagkakasurubahan kami dyan sa harong nina Andy Belmonte and Ningning Mariza David Belmonte , kaiba ko si misis, about our environmental advocacy, ta pareho kaming paratanom ning kahoy. Sabi ni Aik, si mga kinakakan nyang rambutan, pag nailuwa nya ang pisog, naturubo, kaya sabi mi, padi, igwa ka palan ning green tongue, nakakapabuhay na dila, grabe si ngakngak ni Aik. On a serious note, our prayers po for the family Albao.
Suodma natokar ta ang tungkol sa SSS law, pagkatapos kan segment, may nagtext tolos na paradangog, may concern man sa SSS. Ini po ang text nya:
“Good morning po, Atty. Ojastro. Separated na po kami for 3 years. Gusto ko po ipahali an ngaran nya as primary beneficiary . Paano daw po yan? Salamat po. – 09273004324”
Pigdiscuss ta na suodma, na sa Section 8 kan RA 8282, may duwang klase ning beneficiaries: Primary beneficiaries saka secondary beneficiaries. Sa primary beneficiaries, kabali ang dependent na agom hanggang dai pa sya nag-aagom giraray.
Please note po giraray ang reference kan ley pirmi sa word na “dependent” na agom, dependent na aki, “dependent” na magurang. Ano po ang meaning kan “dependent” sa ley? Pano masasabi na ang saimong agom dependent saimo in connection with SS benefits? Sabi sa Section 8 kan ley, ang sinasabing “dependent” na agom iyo ang:
(1) legal na agom kan SS member na may derechong makaresibe ning support hali sa SS member;
notaran ta na ang legal na agom, na may derecho pang makaresibe ning financial support saimo, ang considered na dependent mo.
Pag sinabi po bagang legal na agom, boot sabihon, dai pa annulled o napaimbalido ang kasal nindo sa paagi ning husgado. Existing pa ang kasal nindo. Pero pano man nanggad sa kaso kan mga suway sa agom na dai pa man napaimbalido ang kasal? Halimbawa igwa na man ka-live in na iba ang agom, may mga kanya-kanyang other families na ang mag-agom? Saka pano man palan si mga legally separated na yaon pa man ang kasal pero aprubado na kan husgado ang saindang pagsuhayan physically, suhay na in bed and in board sabi kan Supreme Court?
Sa mga sitwasyon na ini, konsiderado kan SS law na garo man sana bako ng mag-agom. Ano po ang matibay na legal na basehan ta sa pagsabi kayan?
May decided case na po ang Supreme Court kayan, sa kasong SSS vs. Gloria delos Santos, decided kan August 29, 2008. Ano po ang nangyari sa kasong ini?
Si Anotnio, ang husband na SS member saka si wife, si Gloria de los Santos, kinasal kan 1964 sa Manila. Less than one (1) year lang after kan kasal, si Gloria binayaan si Antonio, nagpakasal asin nakisaroan sa ibang lalaki. Kan 1969, si Gloria nagbalik ki Antonio, nagi-ibahan sinda giraray until 1983. Nagkaigwa sinda tolong aki.
Kan 1983, binayaan na naman ni Gloria si Antonio, nagpa US. Kan 1986, nagfile sya ning divorce laban ki Antonio sa husgado sa California. Kan 1983 man, nag;Irma sya sa document waiving all her rights sa saindang conjugal properties. Na grant si divorce sa US.
Kan 1987, si Antonio nagpakasal man sa iba sa Albay. Kan magadan si Antonio, retiree na sya, nagreresibe na ning pension hali sa SSS. Si saiyang ikaduwang naagom nagfile ning clai for pension benefit, nagfile man ning claim si Gloria para sa death benefits ta ang claim nya sya pa ang legal wife na konsideradong primary beneficiary ni Antonio.
Ano po ang naging ruling kan Supreme Court?
Bako na po syang beneficiary ni Antonio dawa pa sya ang legal spouse. Bako na syang considered na dependent ni Antonio kan panahon na nagadan si Antonio. Sabi kan SC, bakong boot sabihon na komo kasal ang mag-agom, ang saro puede na tolos sabihon na dependent for support sa agom. Kaipuhan patunayan pa na talagang dependent o pigsusuportahan pa ang claimant na agom.
Si Gloria binayaan si Antonio duwang beses pa ngani, ibang lalaki ang kaibahan hasta magadan si Antonio. Kan mga panahon na yan, bako na syang dependent ni Antonio. May iba pang mga kasong nadesisyunan ang SC na pag ang supposed primary beneficiary na agom nagbaya sa agom na SS member para mag-iba o maki live-in sa iba, disqualified na syang maging beneficiary. Kaya pag suhay na ang mag-agom, mayo na kamo sa sarong harong, safe to presume na bako ng dependent sa SS member for support, lalo na kung capable man ang supposed beneficiary na mag provide para sa sadiri nya.
Sa hapot po kan texter kung pano nya hahalion as beneficiary ang agom nyang suway na saiya, ini po ang puede mo gibohon:
1. I-report nindo sa nearest SSS Office, ma-fillup ka ning Member’s Data Change Request Form (SSS Form E-4)
2. magsubmit sa SSS kan original/certified true copy and photocopy kan arin man sa minasunod na dokumento:
• Decree of Legal Separation, if legally separated • Death Certificate kan agom, kung gadan na si agom mo; • Certificate of Finality of Annulment/Nullity or annotated Marriage Contract/ Certificate, kung napa imbalido na ang kasal nindo • Court Order on Declaration of Presumptive Death, kung presumed dead na ang agom mo • Decree of Divorce and Certificate of Naturalization (granted before divorce) , kung may divorce na rekonosido kan satong husgado, especially ang divorce obtained kan foreign spouse kan Filipino na SS member; • Certificate of Divorce (OCRG Form No. 102), kung ang divorce involving a SS Muslim member • Puede man ang iba pang dokumento na mapatunay na suhay na kamong mag-agom.
Reminder po na ang SS law na pnapakinabangan ka millions of our people, dahil sa presenteng Constitution, na nagsasabi sa Article II na:
SECTION 10. The State shall promote social justice in all phases of national development.
SECTION 11. The State values the dignity of every human person and guarantees full respect for human rights.
Pag pinakiaraman pa ini kan presenteng administrasyon para sa pansadiring interes o para lang sa pagkapot sa mas pang poder, baka po mawara nalang ini sato ta kung ano nalang ang gusto satong itao kan mga makikinabang sa magiging bagong Constitution, ta kung baka halion na ang basic rights kabali ang social security rights, gibohon bagang dictatorial ang klase kan pag gogobyerno. Nasa satong maatanos na pagbantay ang kaseguruhan na padagos kitang may derecho sa ley.
Ayan po, sana nakatabang kita sa saindong kaaraman sa ley. Kung may mga hapot kamong legal, magtext or magapod lang sa mga numero kan DWNX.
Bago ako magpaaram, ipinapaaram ta po sa gabos, na mawot kan Diyos ang Government should strengthen the hand of the poor and needy, not weaken it. Habo kan Diyos na maging pabaya kita sa kapakanan kan mga pobreng sector kan komunidad o nasyon, ta kung maging abusado o pabaya ang nasa gobyerno kamo papadusahan kan Diyos, Sabi sa bible sa – Ezekiel 16:49 King James Version (KJV) 49 Behold, this was the iniquity of thy sister Sodom, pride, fulness of bread, and abundance of idleness was in her and in her daughters, neither did she strengthen the hand of the poor and needy.
Asin sa – Proverbs 31:9 9 Open thy mouth, judge righteously, and plead the cause of the poor and needy.
Hanggang sa sunod na segment. God bless you all.
Ini po si Atty Angel Ojastro III Aramon an saindong derecho, INI AN LEY!!!