Magatambong si Davao City Vice Mayor kag presidential son Paolo Duterte kag si presidential son-in-law Manases “Mans” Carpio sa Senate Inquiry natuhoy sa 6.4 billion nga balor sang shabu gikan sa China nga nakalusot sa Bureau of Customs.
Suno sa mga ini, ila nabaton kag ginarespeto ang imbitasyon sang Senate Blue Ribbon Committee nga magtambong sa hearing sa maabot nga Huwebes, September 7.
Suno naman kay Senator Antonio Trillanes IV, isa sa mga kritiko ni Presidente Rodrigo Duterte , mahimo nagdesisyon si Gordon nga imbitaron si Duterte kag Carpio bangud sang public pressure.
Madumduman nga nahinambitan sang Customs fixer nga si Mark Taguba si Paolo Duterte kag Mans Carpio nga konektado sa Davao Group apang sang ulihi iya ginbawi nga imbolbado sa korapsyon sa Bureau of Customs ang duha kag ginpahayag nga base lang sa mga huring-huring ang iya impormasyon.
(photo from web)
