Paperless transaction ipatuman sa local gov’t

33

Davao City – Iimplementar sa lokal nga panggamhanan ang paperless program sa tanang transaksyon niini sugod sunod bulan sa Agosto.

Kini mao ang gibutyag ni Human Resoure Management Office (HRMO) Head Erwin Alparaque atol sa gipahigayong iSpeak Forum karong adlawa kinsa miingon nga paagi kini aron mapadali ug hassle free na ang mga transaksyon sama sa pag-apply og mga business permits ug licensing system.

“Time will come that the application or renewal of business permits or license will be done even at your home and the payment of all taxes and other fees and charges will be done online through our accredited and authorized banks in the city,” segun niini.

Gikanayon ni Alparaque nga nasulayan na nila kini pinaagi sa Electronic Payroll kun E-Payroll ingon man pagtala sa attendance sa mga empleyado sa gobyerno ug didto na-realisa ang mga angay i-imprubar niini diin kini mao ilang ginapinalisar sa pagkakaron.

Kahinumduman nga gibutyag ni Davao City Vice Mayor Al-ag nga karong bulan muabot ang mga personahe sa Marikini Sangguniang Panglungsod aron mag-orient bahin sa paggamit sa ilang ginagamit nga software alang sa paperless transaction subay sa Sister City Agreement nga gipirmahan sa duha ka mga syudad.

RadyoMaN Jason Amisola

Facebook Comments