Maga pulis y marines ya aguanta con un motorist na checkpoint na Culianan del Biernes despues ya descobri que ta carga este monton clase de medicina sin papeles.
Con el motorrista ya conose como si Avaresto Dela Justa Cabrera, 51, de Navarro Court, Sta. Maria.
Asegun durante el isnpeccion na checkpoint, ya puede nota el maga pulis y soldao tiene ta carga celopane si Cabrera y cuando ya chequia, ta contene este diferente clase de medicina.
Nohay puede presenta papeles si Cabrera con el maga otoridad si porque ya tene con este que aguanta y ya lleva na estacion del pulis.
Con el maga medical ya entrega na Food and Drugs Administration Office para el desposecion mientras con Cabrera ya pone bajo na imvestigacion.
Asegun con el pulis si Cabrera ya viola con el Republic Act 9711.
