CAPIZ – Pagatutukan sang provincial government ang pagkaayo sang mga pasilidad sa mga government kag district hospital sa Capiz.
Kabug-usan nga P25 million ang ginpain nga pondo para sa Roxas Memorial Provincial Hospital kun sa diin kalakip sa mga ginpondohan amo ang pagbutang sang dugang nga mga pasilidad.
Samtang P20 million ang para sa Bailan District Hospital; may yara sang P10 million sa Senator Gerardo Roxas Memorial District Hospital sa banwa sang Dao, P5 million sa Tapaz District Hospital, P12 million sa Mambusao District Hospital kag P3 million pesos naman ang ginpain para sa Dumarao Medicare Hospital.
Nahibaluan nga may yara sang kabug-usan nga P60 million ang ginpain nga pondo para sa improvement sang RMPH kag iban pa nga mga district hospital sa probinsya.
