Roxas City, Capiz – Bastante ang supply sang rabies vaccine sa mga pampubliko nga ospital diri sa probinsya sang Capiz.
Ini ang ginpahayag sang DOH-Capiz kun sa diin may yara sang supply sini sa City Health Office, Roxas Memorial Provincial Hospital kag apat ka district hospital nga ginalakipan sang Bailan, Mambusao, Dao kag Tapaz District Hospital.
Ang nasambit nga rabbies vaccine nga libre ginaturok sa mga pasyente nga nakagat sang sapat ang nagikan mismo sa DOH. Sa pihak nga bahin, labi pa nga ginapasangkad sang Provincial Veterinarian Office ang mass vaccination sa mga ido. Sang 2017, yara sa 47, 000 ka mga ido ang nabakunahan sa bilog nga probinsya sang Capiz.
*(Photo from web)*
(c)- PIA-Capiz
Facebook Comments
