Davao City – Saktong giya sa ginikanan ang nag-unang solusyon aron malikayan ang pagkalambigit sa mga batan-on sa mga gang riots o away sa grupo sa mga kabatan-onan.
Sa interbyu sa DXDC RMN Davao kang Alexis Micutuan, Presidente sa Youth for Peace and Development Movement Philippines, gibutyag niini nga angay nga masiguro sa mga ginikanan nga maayong organisasyon o grupo ang apilan sa ilang mga anak aron malikay ang nahisgutan sa unsa mang kagubot.
“Isa sa maka-address ana is the proper guidance of the parents. They have to guide the young people na they have to become a member of a certain groups who are good influence sa ilang mga anak,” saysay ni Micutuan.
Nasayran nga subling misi-aw ang riots sa mga batan-on dinhi sa syudad sa Davao diin aduna pay nadamay nga inosenteng indibidwal atol sa kagubot.
RadyoMaN Kirby Manzon
