Davao City – Patay nang nakaplagan ang usa ka 22 anyos nga binabaye nga si Michael Amoguis nga taga Isla Suerte Times Beach ning siyudad human kining nakit-ang napuno sa samad dinunggaban ang pipila ka mga parte sa kalawasan niini.
Base sa report, nakadawat og impormasyon ang kapolisan mahitungod sa patay’ng lawas sa maong biktima bandang alas-5:30 ang takna Sabado sa sayong kabuntagon.
Nakatudlo usab ang pipila ka mga residente og duha ka mga lalaki nga posibleng mao usab ang mga suspetsado dihang nakit-ang nagkadugo ang mga kamisen niini nga bitbit usab ang usa ka bolo diin sa pagkakaron misibat na sa maong lugar.
Padayong ginasubay na sa taga-Scene of the Crime Operative kun SOCO ang mga fingerprint kun mga posibleng magtudlo sa matuod nga suspek.
Samtang padayon usab ang kapulisan sa ilang ginahimo nga imbestigasyon alang sa pagkasulbad sa maong kaso.
RadyoMaN Paul Canono
