Sa interbyu sa DXDC RMN Davao kang Dean Ortiz, tigpamaba sa DPWH-XI, giklaro niini nga duha lamang ka lanes (Northbound lanes) sa J.P. Laurel Avenue gikan Gahol St. (junction Davao Medical School Foundation) padulong Abreeza Mall ang temporaryong dili paagian sa motorista sa maong panahon.
“Sa pipila ka tuig, naoberbahan nato nga pirmi lang ga-overflow ang ilahang kanal diha. So, that’s why we have to install a bigger lateral box culvert for that purpose,” sulti ni Ortiz.
Sa gipagawas nga schedule, sirad-an ang usa ka lane gikan alas 5:00 sa buntag hangtud alas 10:00 sa gabii. Samtang, sirad-an ang duha ka lanes gikan alas 10:00 sa gabii hangtud alas 5:00 sa buntag.
Nangayo og pagsabot ang DPWH-XI official sa publiko ug giawhag ang mga motorista nga mugamit usab og alternatibong ruta samtang nagapadayon ang nahisgutang proyekto.
RadyoMaN Kirby Manzon
[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>
