Kanhi komunista mag-atubang og kasong murder

53
Davao City – Walay girekomendang pyansa sa kasong murder nga atubangon ni “PAING ITOL”, 38 anyos, residente sa Purok 9B, Igangon San Isidro, Davao Del Norte.

Sa interbyu sa DXDC RMN Davao kang Police Corporal Kelvin Lleva, personahe sa Laak Municipal Police Station (MPS), gibutyag niini nga si Etol usa ka kanhi miyembro sa Communist Terrorist Groups (CTGs) ilawom sa Guerilla Front 33, Southern Mindanao Regional Committee (SMRC).

Gisilbi sa Laak MPS ang warrant of arrest sa Camp Kalaw, 25th Infantry Battalion, Philippine Army Headquarters sa Barangay Poblacion, Monkayo, Davao de Oro kung asa gikustodiya ang suspek.

“Gi-serve lang namo kay naa man siyay (suspek) mga remaining warrant. Gi-serve lang namo didto para at least mahibal-an niya tanan mga outstanding warrant niya,” sulti ni Lleva.

Ang pagsilbi sa warrant of arrest kabahin sa simultaneous Anti-Criminality Law Enforcement Operation (SACLEO) sa kapulisan alang sa luwas ug malinawon nga komunidad.

RadyoMaN Kirby Manzon



[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments