Nisaka pa ngadto sa 81 ka mga panimalay ang naka-angkon ug partially damage human ang pagtay-og sa 5.7 magnitude nga linog niadtong niaging gabie sa Kadingilan, Bukidnon.
Sa interview sa RMN DXMB Malaybalay ngadto kang Israel Johan Damasco Jr. ang head sa Provincial Disaster Risk and Reduction Management Division kon PDRRMD-Bukidnon gibutyag niini nga base sa report sa LDRRMC Kadingilan as alas 3 kagahapon (Hunyo 15), adunay 64 ka mga panimalay sa Sibongan ang partially damage, 9 sa Poblacion ug 8 sa Brgy. Kibungkog pulos sakop sa Kadingilan, Bukidnon.
Gawas niini adunay mga minor crack usab ang gikataho sa PNP Building, LGU Building, Barangay Poblacion Office, SB Building.
Nasayran nga sa mao nga linog, adunay usa ka 44 anyos ang naka-angkon minor injury nga taga lungsod sa Kalilangan.
Padayon pa usab ang gihimo nga monitoring ug assessment sa ubang mga lugar nga nakasinati ug kusog nga pagtay-og sama sa lungsod sa Damulog ug Don Carlos.
Matud pa ni Damasco nga nagpadayon karon ang Rapid Damage Assessment and Needs Analysis aron masuta kung kinahanglan ba ang pagdeklara sa state of calamity sa lungsod sa Kadingilan.
