General Santos City- Nagpatala sa kwerpo sa kapulisan ang usa ka ginang human nga mabiktima sa posibleng salisi gang.
Ang biktima ang naila sa pangalang si Ginang Rinafe Lucero, hamtong ang panuigon nga taga Barangay Kulaong, Maitum Sarangani Province.
Sumala pa sa biktima nga gikan pa sila sa may Banga South Cotabato, og tungod kay gabii na nga nahidangat sa Gensan, mas gipili nilang magpabuntag nalang sa YBL Terminal sa may National Highway tungod kay wala na usab masakyan niadtong panahuna pauli sa Maitum.
Pag-abot sa maong terminal, aduna matud pa midool kanila nga usa ka babaye nga nagtanyag kanila nga aduna kuno kini sundo pauli sa ilahang lugar sa Maitum.
Saysay pa niini nga maayo kaayo mangatik ang nahisgutang suspek ngadto kanila.
Apan mga alas 4 na sa kaadlawon human sa pagkatulog sa terminal, nakurat na lamang kini tungod nga wala na ang iyahang bag, og ang babaye sa maong lugar.
Dala matud pa sa maong suspek, ang bag niini nga adunay sulod nga 2 mil ka pesos nga kwarta, og alahas nga gikan pa sa may Banga, og iyaha unta nga i-prenda.
Sa karon padayon ang imbestigasyon sa kapulisan aron nga masuta ang suspetsado sa maong kaso.
