Davao City – Samaran nga gidala sa Southern Philippines Medical Center (SPMC) ang usa ka Raymund Rodas, 18 anyos, usa ka tricycle driver, residente sa may Dumalag 3 Matina Aplaya ning siyudad human kini gidunggab sa pasaherong iyang gibalibaran.
Kagabii bandang alas-7:00 pasado ang takna sa dihang namasahero sa maong lugar ang biktia ug gipara siya sa usa ka siga-siga sa ilang lugar nga kapila na matud pa nalambigit sa mga riot nga giilang si Jay-ar Felix Jr. ug kuyog niini si Elmar Paclibar.
Tungod kay anaa na sa impluwensiya sa bino nga makahubog ang duha rason nga iya kining gibalibaran nga pasakyon sa iyang trisikad de pamasaheroan.
Nasuko ang suspek ug sa wala damha kalit mikuha og mahait nga hinagiban dayun duslak sa biktima.
Maayo kay nakapadagan gilayon ang bikima apan samaran ang bukton niini.
Gi-abisohan kini si Raymund nga magpatambal sa SPMC hinoon luwas na sa makuyaw nga kahimtang.
Kasamtangan padayun pang gina-imbestigahan sa kapulisan ang maong kaso.
RadyoMaN Paul Canono
