Kinumpirma ng pamunuan ng Pasay City General Hospital (PCGH) na bukas na muli sila sa pagtanggap ng COVID-19 at non-COVID patients.
Sa ngayon, ang naturang pagamutan ay may bakanteng 1 regular adult COVID-19 bed, 1 adult COVID-19 Intensive Care Unit (ICU) bed, at 2 regular COVID-19 ICU beds.
Gayunman, punuan na anila ang kanilang adult at pedia transition beds.
Isang COVID-19 patient naman ang binawian ng buhay sa PCGH.
Sa ngayon, 91% ang occupancy rate sa COVID-19 wards habang 100% ang occupancy para sa adult at pedia transition rooms.
79% naman ang occupancy ng ospital sa adult at pedia COVID-19 ICU beds.
Facebook Comments
