PASILIDAD SA SYUDAD DAPITAN APROBADO SA DOH ZAMBOANGA PENINSULA

24

Dapitan City – Aprobado sa Department of Health Zamboanga Peninsula-Center for Health Development ang pasilidad sa syudad sa Dapitan isip community isolation unit alang sa Ligtas COVID Center.

Gi-aprobahan ni Dir. Emilia Monicimpo, DOH Zamboanga Peninsula diin pinasubay sa DOH-DILG Joint Administrative Order No. 2020-0001 pinetsahan kaniadtong Abril 15, 2020 kun nailang β€œGuidelines on Local Isolation and General Treatment Areas for COVID-19 cases (LIGTAS COVID) ug Community-based Management of Mild COVID-19 cases ingon man Regional Memorandum Order No. 2020-032 pinetsahan kanidtong Mayo 4, 2020 kun nailhan nga Regional Guidelines for the Certification of Ligtas COVID Centers isip usa sa mga community isolation units sa rehiyon.


Gibasehan niini mao ang gipahimutang nga pasilidad sa Dapitan City Resort Hotel diin hamugaway alang sa mga mopailawom sa isolation gawas pa sa mga gibatunang kahimanan sama sa Personal Protective Equipments sa mga frontliners ug health workers, testing kits, transportasyon nga gitugyan alang sa mga PUM ug PUI ingon man ang sistema sa pagdumala diha sa pagpakgang sa maong pandemic.

Subay niini, gikatakdang mahidangat karung adlawa ang mga kadagkuan sa rehiyonal na buhatan sa DOH aron itunol mismo ang maong sertipiko ngadto sa kagamhanang lokal sa Dapitan sa pagpangulo ni Mayor Rosalina Jalosjos.

Photo Credit: LGU Dapitan / Mi Chi Chai

Facebook Comments